ඓශ්චර්යා ලංකාවට එක්ක ඇවිත් චිත‍්‍රපටයක් කරන හීනයක් මටත් තිබුණා



2016-12-29-ent-76

ඔහු රිදී තිරය හැඩ කරන්නට පටන්ගත්තේ සිටු කුමරියෝ චිත‍්‍රපටයෙනි. විරාගයේ අරවින්ද ලෙස රංගන ෙක්‍ෂත‍්‍රය වෙනුවෙන් අසීමිත කැප කිරීමක් කළේය. කලින් කල විවිධ සම්මාන වලටද හිමිකම් කී ඔහු ප‍්‍රවීණ රංගන ශිල්පී සනත් ගුණතිලකය.

දහස් සංඛ්‍යාත රසික රසිකාවියන්ගෙ අසීමිත ආදරයට පාත‍්‍ර වූ ඔහු පෙම්කරන තරු රාශියක් ද තිබේ.

මේ එම තරු පිළිබඳව ඔහු කරන අව්‍යාජ හෙලිදරව්වයි.

 

ඔබ කුඩාකළ පෙම්බැදි රංගන ශිල්පිනිය කවුද?

සන්ධ්‍යා කුමාරි

 

ඇයි ඇයට පෙම් බැන්දේ?

සමකාලීන නිළියන් අතරේ ඇගේ යම්කිසි ආකාරයක ලස්සනක් තිබුණා. නමුත් සන්ධ්‍යා තුළ තිබුණු ප‍්‍රසන්න බවත් කෙළිලොල් බවත් මගෙ ළමා සිත හොරකම් කළා. පසුකාලීනව මම දැනුම් තේරුම් ඇතිව සිනමාවට ආවට පසුව දැනගන්න ලැබුණා ඇය තමයි හිටපු වඩාත්ම ෆොටෝ ජෙනික් නිළිය කියලා. මොන කැමරා කෝණයෙන් ගත්තත් ඇයගේ රූප ස්වභාවය විශිෂ්ට තැනක තිබුණා. ඇයට ලක්ෂ සංඛ්‍යාත රසිකයන් පිරිසකුත් හිටියා.

 

ඇය සමඟ එකට රඟපාලා තියෙනවද?

මම සිනමාවට ආවට පසුව ඇයව හමුවුණා. එතකොට ඇය තරුණ දියණියන් දෙදෙනෙකුගේ මවක්. ඇය සමඟ රඟපාන්න නම් ලැබුණේ නෑ, නමුත් ඇය රඟපෑ ශත පනහ, ධීවරයෝ, සැනසුම කොතැනද ඒවගේ චිත‍්‍රපට වල චරිත මගේ හිතේ ගොඩක් ඇදුණු චරිත.

 

2016-12-29-ent-79ඇය වගේ පෙම්වතියක් ඔබට හිටියනම් හොඳයි කියලා හිතුණෙ නැද්ද?

ඒක ළමා මනසට එක්තරා විදියකට එන මනෝ විද්‍යාත්මක දෙයක්නෙ. එහෙම වෙනවනෙ. මම දැකලා තියෙනවා ඒ කාලෙ විජය කුමාරතුංගට පෙම් බැඳි ඉතා කුඩා දැරියක්. ඒ වගේ දේවල් ඇතිවෙනවනෙ. ඒ ගැන මට විග‍්‍රහ කරන්න අමාරුයි.

මගෙ ජීවිතෙත් සිනමාවට සම්බන්ධ වෙලා ඉද්දි මම නළුවෙක් විදියට නෙමෙයි පුද්ගලයෙක් විදියට මට ප‍්‍රිය කරපු කුඩා දැරියන් හිටියා.

 

ඇයගෙන් පසුව වර්තමානයේ පෙම් කළ තරුව කව්ද?

මම ෙඓශ්චර්යාට ගොඩක් කැමතියි. ඇය ලෝක රූ රැුජිනියක් විදියට සිනමාවට ප‍්‍රවිශ්ට වුණාට පසුව ඇය හැමවෙලේම දකින්න ලැබුණෙ පරමාදර්ශී පෙම්වතිය විදියට. නමුත් ඒ තුළින් ඇයගේ සමකාලීන නිළියන්ට වඩා ඇය සතු වූ රූප ස්වභාවයයි. උසට සරිලන ඇඟයි එක්ක විවිධාකාර චරිත කළා. ඒ අතර සමහර බෙංගාලි චිත‍්‍රපටවලට පවා ඇය දායක වෙලා හිටියා. ඒ සමහර චිත‍්‍රපට ලංකාවට ආවෙ නෑ.

 

ඔබ නිෂ්පාදනය කළ චිත‍්‍රපටයකට ඇයව දායක කරගන්න හිතිලා නැද්ද?

අදහසක් තිබුණා. ඒක කළ හැකි දෙයක්ද කියන ප‍්‍රශ්නෙ තමයි ආවෙ. මට එක්තරා මොහොතකදී අමිතාබ් බච්චන් හමු වූ වෙලාවකදිත් චිත‍්‍රපටයක් පිළිබඳ කතා කළා. ඔහුවත්, ඓශ්චර්යවත් ලංකාවට ගෙනල්ලා කිසියම් විදියක දෙයක් පටන් ගන්න හදන තැනදීම ඒක අවුල් වුණා. මොකද ඒ වකවානුව ලංකාව තුළ තිබුණෙ ගැටලූ සහගත තත්ත්වයක්. ඉන්දියානු නළු නිළියො ලංකාවට ආවම දකුණු ඉන්දියාවෙන් සුවිශේෂ බලපෑම් ආවා.

 

2016-12-29-ent-77ඔබ සමඟ එකට රඟපෑ රංගන ශිල්පිනියන් අතරින් ඔබ වඩාත්ම කැමැති?

අයිරාංගනී සේරසිංහට

 

ඇයි ඒ ඇයට වඩාත්ම කැමති හේතුව?

ඇය රඟපෑ චරිත සහ ඒ තැනැත්තිය අතර තිබෙන සීමාවන් හැමවෙලේම බින්දුවයි. ඒ කියන්නෙ ඇය තමන්ගෙ සාමාන්‍ය ස්වරූපය, අයිරාංගනී සේරසිංහ කියන ස්වරූපයෙන් මිදිලා චරිත ස්වරූපයන් වැළඳගන්නෙ. ලංකාවෙ චිත‍්‍රපට නිළියන් අතරින් තමා රඟපෑ හැම චරිතයකටම සාධාරණය ඉෂ්ට කරපු රංගන ශිල්පිනියක් තමයි අයිරාංගනී සේරසිංහ කියන්නෙ.

 

ඇයත් සමඟ ඔබ චිත‍්‍රපට කීයක පමණ වැඩ කළාද?

චිත‍්‍රපට හතරක විතර වැඩ කළා. ඒ අතරින් හොඳට මතක තියෙන්නෙ සක්මන් මළුව සහ දෙවනි ගමන චිත‍්‍රපට දෙක

 

ඒ අතරින් මතකයේ රැුදුණුම ජවනිකාව මොකද්ද?

දෙවෙනි ගමන චිත‍්‍රපටයෙ මම බඳින්න හිටියෙ සබීතා. ඒ එක තැනකදී සබීතාගේ කන්‍යාභාවය පිළිබඳ ප‍්‍රශ්නයක් ඇතිවුණ වෙලාවෙ මම කියනවා මේ පිළිබඳ මට ප‍්‍රශ්නයක් නෑ. ඒ කිසිදෙයක් අදාල නෑ කියලා. පසුව අයිරාංගනී සේරසිංහ මහත්මිය මට කියන්නෙ

‘‘මේක වුණේ උඹේ අතින් නෙමෙයි නම් මේ දේ වුණු විදිය උඹ දන්නෙත් නැත්නම් උඹ තවමත් මෙයාව පිළිගන්නවද මෝඩයෝ’’ කියලා. ඉතින් ඒ දෙබස් ඛණ්ඩය ඇයව හමුවන හැම මොහොතකදීම මම කියනවා.

ඒ හැම වෙලාවකදීම ඇය කියන්නෙ සනත් ඔයාට මේ දේවල් තවමත් හොඳට මතකයි නේද කියලා.

 

ඔබ වඩාත්ම කැමති ගායිකාව කව්ද කියල මම ඇහුවොත්?

2016-12-29-ent-78නිරෝෂා විරාජිනී කියලා මම උත්තර දෙනවා.

 

ඇයි ඔබ ඇයට වඩාත්ම කැමැති

මම ලියපු ගීතයක් තියෙනවා

හිරවී තිබුණා හද පතුලේ

ඔබ වෙත පිදු සෙනෙහේ

අවදි කළා ඔබ නොසිතු මොහොතක

මා සඟවා සිටි ආදරේ

නමින්

මේ ගී පද රචනය මම දුන්නා නිරෝෂා විරාජිනීට

මේ පදවැල දැකපු ඇය බොහොම ආශාවෙන් බොහොම කැමැත්තෙන් මේ ගීතය බාර අරන් ගායනා කළා. ඇගේ සී.ඞී. පටයකටත් මේ ගීතය ඇතුළත් කළා. ඊට පස්සෙ මගේ සිනහව අතරින් චිත‍්‍රපටයටත් මම මේ ගීතය ඇතුළත් කළා. ඒකට හේතුව වුණේ මේ ගීතය සිනහව අතරින් චිත‍්‍රපටයට වඩාත් ගැලපීම

නමුත් මම නිරෝෂාට කැමැති ඇය මගේ මේ ගීතය ගායනා කිරීම නිසාම නෙමෙයි. ඇගේ හඩට, ගායන විලාශයට මම ආදරය කරනවා. කොටින්ම මම ඇගේ රසිකයෙක්

 

ධනු විජේරත්න