හොඳ රූපලාවණ්‍ය ශිල්පිනියක් වීමට සිහින මවන සුදර්ශී



රූපලාවණ්‍ය ක්‍ෂේත්‍රයේ දස්කම් පාන මෙම සොඳුරු රුවැත්තිය, විනෝදාංශයක් ලෙස නිරූපණ කටයුතු සිදුකරන්නීය. තවමත් ක්‍ෂේත්‍රයේ නවකයෙකු වුවද අත්දැකීම් ලබමින් සිටින ඇය නමින් සුදර්ශී සෙව්වන්දිය. ඇගේ නිරූපණ කටයුතු හා ඉදිරි බලාපොරොත්තු පිළිබඳව ‘සාරවිට' සමගින් මෙලෙස අදහස් දැක්වූවාය.

20160110Sudarshi-1ඔබ ගැන හැඳින්වීමක් කළොත්?

මගේ නම සුදර්ශි සෙව්වන්දි. මම රූපලාවණ්‍ය ක්ෂේත්‍රය හදාරමින් ඉන්නවා. ඒ අතර තමයි නිරූපණ ක්ෂේත්‍රයට යොමුවෙලා ඉන්නේ.

 

ක්ෂේත්‍රයට ඇවිත් වැඩි කාලයක් නෑ නේද?

ඔව්. වැඩිකාලයක් නෑ. තවම පටන්ගත්තා විතරයි.

 

ඔබට ඇයි නිරූපණය කියන ක්ෂේත්‍රයට යොමුවෙන්න හිතුණේ?

ඒක මගේ එක් කැමැත්තක්. නමුත් කවදාහරි හොඳ රූපලාවණ්‍ය ශිල්පිනියක් වෙන එක තමයි මගේ බලාපොරොත්තුව. ඒ අතර තමයි නිරූපණයට යොමුවෙලා ඉන්නෙ.

 

නිරූපණය සඳහා යොමුවෙද්දී ගෙදරින් ලැබෙන සහයෝගය?

එයාලා ඉදිරියේදී මට සහයෝගයක් දේවි කියලා හිතෙනවා.

 

ඒ කියන්නේ දැනට සහයෝගයක් ලැබෙන්නේ නැද්ද?

නෑ. එයාලා මම කැමති දෙයක් කරනවාට විරුද්ධ නෑ. මගේ ඉදිරි වැඩකටයුතුවලට සහයෝගයක් ලබාදෙයි කියලා හිතනවා.

 

විනෝදාංශයක් විදියට පටන්ගත්ත නිරූපණය වෘත්තියක් කරගන්න කැමැත්තක් නැද්ද?

නිරූපණය විනෝදාංශයක් විදියටම තියාගන්න තමයි කැමති. මොකද මගේ ලොකුම හීනය රූපලාවණ්‍ය ශිල්පිනියක් වීම.

 

ඔබේ වෘත්තීයට බාධාවක් නොවී නිරූපණයේ නියැළෙද්දී කාල කළමනාකරණය කරගන්නේ කොහොමද?

රැකියාවට බාධාවක් නොවන විදියට නිරූපණයටත් කාලය වෙන්කරගන්නවා.


20160110Sudarshi-2නිරූපණ ක්ෂේත්‍ර‘යේ ඔබ කැමති පැතිකඩක් ඇති?

ඔව්, මම මනාලියන් ලෙස නිරූපණයේ නියැළෙන්න තමයි කැමති.

 

ඇයි එවැනි පැතිකඩක් තෝරාගන්න හිතුවේ?

මගේ නිරූපණය ගැන කථා කළොත් මම සීමාවක් තියාගෙන ඉන්නේ.  ඉතින් ගොඩක්ම මම කැමති Bridalවලට.

 

රංගනය පැත්තට යොමුවෙන්න බලාපොරොත්තුවක් නැද්ද?

දැනටමත් ආරාධනාවක් ලැබිලා තියෙනවා. ඉදිරියේදීත් ලැබේවි. ගෙදරින් කැමැත්ත ලැබුණොත්, මට ගැළපෙන හොඳ නිර්මාණ ලැබුණොත් දායක වෙන්න තමයි බලාපොරොත්තුව.

 

අද ලංකාවේ තරුණියන්ට නිරූපණ ක්ෂේත්‍ර‘යේ තියෙන තැන ගැන මොකද හිතන්නෙ?

සමහර අය ඉක්මනටම ප්‍රසිද්ධ වෙන්නේ හොඳ ගමනක් යන්න ගිහින් නෙමෙයි. ඔවුන් තමන්ට නොගැළපෙන දේවල් කරලා ඉක්මනට ප්‍රසිද්ධ වෙනවා.

 

ඔබ කියන්නේ ප්‍රසිද්ධිය නැතිව යම් දෙයක් හරියට කළොත් තැනක් තියෙයි කියන එකද?

මෙහෙමයි, අනිත් අය අනුකරණය කරන්න ගියොත් අපිට කවදාවත් හරියන්නේ නැහැ. තමන්ට ගැළපෙන දේ හරියට කළොත් හෙමීට හොඳ ගමනක් යන්න පුළුවන් කියලා තමයි මම හිතන්නේ.

 

ඔබ නිරූපණය පිළිබඳව හැදෑරීමක් කරනවාද?

ඉදිරියේදී ඒ පිළිබඳ වැඩිදුර හදාරන්න බලාපොරොත්තුවක් තියෙනවා.

 

ඔබේ ඉදිරි බලාපොරොත්තු මොනවාද?

රුපලාවණ්‍ය ශිල්පිනියක් වීමට තමයි බලාපොරොත්තුව තියෙන්නේ. ඊට අමතරව බියුටි පැජන්ට් එකකට සහභාගී වෙන්නත් බලාපොරොත්තුවක් තියෙනවා.

 

මතක් කළයුතු පිරිසක් ඉන්නවාද?

අම්මා, තාත්තාව සහ ජනරංජන පතිරණ, මගේ යහළුවන් මතක් කළ යුතුයි. ඒ හැම දෙනාටම ස්තූතියි.

 

ඩිලාන් ක්‍රිෂාන්ත / ඡායාරූප - කවීත් මිලින්ද

20160110Sudarshi-3 20160110Sudarshi-4 20160110Sudarshi-5 20160110Sudarshi-6