කන්නයි බදින්නයි දෙකටම මාර ආසයි



සිංහල අලුත් අවුරුද්ද මතක් කරද්දී රසකැවිලිවලට තියෙන්නෙ පුදුමාකාර ඉල්ලුමක්නෙ. ඔය අතරේ හැම සිංහල ගෙදරකම කොකිස්නම් සිංහල අලුත් අවුරුද්දට වරදින්නෙම නෑ. තාරුකාගේ ගෙදරත් එදා ඉඳන් හැම සිංහල අලුත් අවුරුද්දකටම කොකිස් හදනවා. මුලින් අම්මා හදන කොකිස්වල රස අවුරුද්ද එන්නත් කලින්ම බලපු තාරුකාට දැන් ඔන්න කොකිස් හදන්න හොඳට පුළුවන්. ඒ ඉතින් තාරුකාගේ අම්මගේ අත්ගුණේම තමයි.

කොකිස්

  • අවශ්‍ය දේවල්
  • හාල් පිටි ග්‍රෑම් 400
  • පොල්කිරි අඬුකොප්ප 1 යි
  • කහකුඩු ස්වල්පයක්
  • ලුණු කුඩු ස්වල්පයක්
  • බිත්තර දෙකක්
  • පොල්තෙල්

සාදන ක්‍රමය

මුලින්ම හාල්පිටි, බිත්තර, පොල්කිරි, කහ හොඳින් කලවම් කරගන්න. මෙම මිශ්‍රණය උකු ලෙස තරමක් ඝන මිශ්‍රනයක් විදිහට සාදාගන්න. මෙය පැයක් හෝ විනාඩි 45 ක් පමණ තියන්න.

තාච්චියක් ළිප තබා එයට පොල්තෙල් එක්කරන්න. සාදාගත් මිශ්‍රනයේ කොකිස් අච්චුව ගිල්වා එය තෙල් තාච්චියට ගිල්වන්න. කිසිවිටකත් තෙල් තාච්චියේ අඩියේ වැදෙන ලෙස කොකිස් අච්චුව ගිල්වන්න එපා. කොකිස් අච්චුවෙන් ගැලවීමට හැකිවන ලෙස කොකිස් බැදී ඇත්නම් කූරක් මගින් කොකිස් අච්චුවෙන් කොකිස් ඉවතට ගන්න.

20180410Tharuka-1