ත්‍රිකලාගෙන් සැර කතාවක් - කාටද මේ කියන්නේ
කිසිම දෙයක් නැති කෙනෙක් රටක් නියෝජනය කරන්නට යැවීම, ලෝකයක් ඉස්සරහා උඩ බලන් කෙල ගහගත්තා වගේ - ත්‍රිකලා මේ කාටද කියන්නේ?
පසුගිය දා නිමා වුණු ලෝක විවාහක රූ රැජින කිරුළ තරඟයේ උණුසුම තවමත් ගිලිහී ගොස් නැහැ. මේ තරඟාවලිය සඳහා ලාංකේය නියෝජනයක්ද තිබුණා. කෙසේ නමුත් විවාහක රූ රැජින කිරුළ පිළිබඳව ලංකාවට පැමිණි විවිධ පුවත් ගැන මේ වෙද්දි බොහෝ දෙනෙක් කතා කරනවා. ඒ අතර 2017 වසරේ Mrs Universe Honesty කිරුළ දිනාගත් ත්‍රිකලා ධරණි සිය අත්දැකීම් සහ රූ රැජින තරඟාවලිවල ස්වභාවය පිළිබඳව සිය ෆේස්බුක් ගිණුමේ සටහනක් තබා තිබුණා.
එම සටහන පහතින්..
“මගේ රට නියෝජනය කරන්නට ලෝකයේ වැඩිම රටවල් ගණනක් (90) සහභාගී වන විශාලතම රූ රැජින තරගාවලියට ගිය කිරුලක් දරාපු කෙනෙක් නිසාවෙන්, රටගැන පොඩි හරි කැක්කුමක් ඇති නිසාවෙන්ද තවත් නිහඩව සිටීම රටේ ජනතාවට කරන අසාධාරණයක් ද නිසාවෙන් මෙලෙස ලියමි.
යම්කිසි රූ රැජින තරගාවලියක විශාලත්වය තීරණය වන්නේ එම ලෝක තරගාවලියට සහභාගී වන රටවල් ගණන අනුව. ඒ අනුව Universe, world තරගාවලි දෙක ලොව වඩාත්ම පිළිගත් ද්විත්වය වේ.
මෙම විවාහක රූ රැජින තරගාවලියෙන් ලංකාවෙන් ජය ලබා යම්කිසි රූ රැජිනක් රට නියෝජනය කරන්නට යනවිට අනිවාර්යයෙන් සම්පුර්ණ වියයුතු සාධක ඇත.
ඒ අතර සාර්ථක විවාහ ජීවිතයක් ගත කරන, ලෝකයේ කාන්තාවන්ට ආදර්ශයක් වෙන්නට හැකියාව ඇති, කෙනෙක්ට උපදෙසක් දීමට Personality එකක් තියන රෝල් මොඩ්ල් කෙනෙක් විය යුතුමය. දරුවකු සිටීමද මෙයට අතිශය වැදගත් කාරණාවකි.
මක්නිසාදයත්, පවුල නැමති ලොව කුඩාම ඒකකය සමබරව පවත්වාගන්නට නොහැකි කෙනෙකුට ලොවටම ආදර්ශයක් වන ඔටුන්නක් දරන්නට නොහැකි බැවිනි. ඒ අතරම සමාජ දැනුම, භාෂාව හැසිරවීම, යම් මට්ටමකට උගත් කමක් තිබීමද අනිවාර්ය වේ .
මේ කිසිම දෙයක් නැති කෙනෙක් රටක් නියෝජනය කරන්නට යැවීම, ලෝකයක් ඉස්සරහා උඩ බලන් කෙල ගහගත්තා වගේ ක්‍රියාවක්.
මෙවැනි තරගාවලියක කිසි විටෙකත් 4,5,6....ආදී ස්ථාන තෝරන්නේ නැති බවවත් ලොකූ බොරුවක් කියන්නට ප්‍රථමයෙන් ගූගල් කරලා හරි බලන්න තිබුනා මොලේ චුට්ටක් හරි පාවිච්චි කලානම්. ඒ මදිවට නිව්ස් වලටත් දීලා තිබුණා.
ප්‍රසිද්ධ වෙන්න ඕනා නම් මෙගා ටෙලි නාට්‍යකට රගපාන්න. හැමතිස්සිම ටීවී එකේ පෙන්න ඉන්න. රූ රැජිනක් කියන්නේ ඊට වඩා ගොඩක් ගැඹුරු දෙයක්. හිට් වෙන්න එන අය ප්ලීස් මේ ක්ෂේත්‍රයට එන්න එපා. රටේ නම, තමන්ගෙ නම, ක්ෂේත්‍රයේ නම ලෝකෙ ඉස්සරහ විහිලුවක් නොකර ඉන්න බලන්න.
මීට,
ත්‍රිකලා ධරණි.
ශ්‍රී ලාංකීය විශ්ව විවාහක රූරැජින
2017.
Mrs Universe Honesty 2017, south Africa.”
