මගේ නම සිංහවංශ වුණාට අපේ පරම්පරාවම ඉන්දුනීසියාවේ, උමාරියා මෙතෙක් නොකී කතාව
නව පරපුරේ ගය්කාවක් ලෙසින් රටේම ආදරය දිනාගත් උමාරියා සින්හවංශ කියන්නේ සිංහල, දෙමළ, හිංදි, ජපන්, අරාබි යන විවිධ භාෂා වලින් ගීත ගයනා කිරීමේ හැකියාව තිබෙන දක්ෂ ගය්කාවක්. ඒ වගේම උමාරා සින්හවංශගේ නැගණිය වන්නේද උමාරියා කියලා ඔබ දන්නවා ඇති. ඉතින් පවුලේ බාලයා වන උමාරියා පසුගිය දිනයක අලුත් කතාබහකට එකතු වෙමින් විස්තර කියලා තිබුනේ මේ විදියටයි. ඒ අතරතුර මෙතෙක් නොකී කතාවකුත් ඇය කියලා තිබුන.
මම සිංහල නෙවෙයි, මගේ නම සින්හවංශ වුනාට අපේ පරම්පරාව පැවතගෙන ඉන්නේ ඉන්දුනීසියාවෙන්. මගේ පියා ටෝනි සිංහවංශ, අම්මා අයේෂා සිංහවංශ. ඒ දෙදෙනාම වෘත්තීය වශයෙන් සංගීතය කරනවා. අපි සිංහල නොවුනට අපේ රට ලංකාව. මේ රටට අපි ගොඩක් ආදරෙයි. ඒ කාලයේ මගේ අම්මා, තාත්තා, අක්කා ගීත ගයනා කළා. නමුත් මම පුංචි කාලේ හැමෝටම පෙන්න ගීත කිව්වේ නැහැ. ඒ කාලයේ මම සින්දු කිව්වේ කවුරුවත් නැති තැනක් බලලා ගොඩක් සෙමින්. පාසල් යන කාලයේ වුනත් අධ්යාපනයත් එක්කම තමයි කාලය ගෙවුනේ.
ඒ වගේම මගේ ආක්කා උමාරා සංගීතයත් එක්කම ජිවත් වුන කෙනෙක්. ඒ කාලයේදී තමයි මට භාතිය සන්තුෂ මුණගැහෙන්නේ. දවසක් අක්කාගේ සින්දුවක් කියන්න ඒ දෙන්නගේ ස්ටුඩියෝ එකට ගියා. එදා අක්කා සින්දුව කියද්දී මමත් හෙමින් ඒක කිව්වා. ඒ වෙලාවේ භාතියට ඒක ඇහිලා තියනවා. ඊටපස්සේ එයා කිව්වා මටත් සින්දුවක් කියන්න කියලා. එදා තමයි මගේ ගායන ජිවිතේ ආරම්භ වුනේ. හැමදාමත් මගේ අක්කා තමයි මමත් එක්ක හිටියේ. ඒ වගේම යුක්රේනයේ පැවැත්වුණු ලෝකයේ ලොකුම සංගීත සංදර්ශනයට මම සහ අක්කා සහභාගී වෙලා තියනවා. ඒ විදියට තමයි මගේ ජිවිතේ සංගීතයත් එක්ක සම්බන්ද වෙන්නේ.