පින්බර බක් පොහොය දිනයක් වේවා! සාරවිට අපි බැති සිතින් ප්‍රාර්ථනා කරමු.

To the Moon and Back රුසියානු චිත්‍රපටයේ  ප්‍රධාන චරිතයක් රඟපාමින්  ජාත්‍යන්තර සිනමාවට එක් වූ හරිනි අග්‍රාශ්‍රී කාව්‍යාංජනී   කලා ක්ෂේත්‍රයට එක් වූයේ නිරූපිකාවක් වශයෙන් .

2015 මිස් ශ්‍රී ලංකා කිරුළ පැළඳි ඇය ජාතික සහ ජාත්‍යන්තර නිරූපණ තරග  රැසක් නියෝජනය කළ ප්‍රවීණ වෘත්තීය  නිරූපණ ශිල්පිනියක්.සන්නාම තානාපතිනියක් ලෙසද කටයුතු කරන ඇය H&M සන්නාමය  මෙරටට හඳුන්වා දීමේදී එහි ප්‍රධාන නිරූපිකාවක ලෙස කටයුතු  කළා.

Beverly Street ,Ramzi & co pvt ltd  ,Mashup Hair Care නිල සන්නාම තානාපතිනිය ලෙස කටයුතු කළ ඇය SLT Mobitel ,Union Bank ඇතුළු  වෙළෙඳ දැන්වීම් රැසකට රංගනයෙන් දායක වූ අතර  KFC Sri Lanka  හි පළමු දේශීය වෙළෙඳ දැන්වීම් නිරූපිකාව ඇයයි.

Miss Super Model World wide (2018)

ලොව හොඳම නිරූපිකාවන් පස් දෙනා (World Top 5) අතරට තේරී පත් වූ හරිනි එහිදී Best in National Costume ,Best in Talent , Best Cat Walk  සහ Best Model  යන ප්‍රධාන සම්මාන හතර ශ්‍රි ලංකාවට  දිනා දීමට සමත් වුණා. ඇය  Colombo Fashion Week  හීද ප්‍රධාන නිරූපිකාවක් ලෙස වසර 7ක් පුරා කටයුතු කරමින් ඉන්නවා.
මහාචාර්ය සුනිල් ආරියරත්න අධ්‍යක්ෂණය කළ ක්ෂීර සාගරය කැළඹිණ චිත්‍රපටය ඔස්සේ සිනමාවට පිවිසි ඇය සුනිල් ආරියරත්න අධ්‍යක්ෂණය කළ කදිර දිව්‍යරාජ චිත්‍රපටයට  ඉන්දීය නළු නිළියන් සමඟ තම රංගන දායකත්වය ලබා දුන්නා.

2025 වසරේ SIGNIS TELI CINE AWARDS  උළෙලේ හොඳම නිළිය ලෙස නිර්දේශ වූ ඇය  සිනමා නිළියක සහ නිරූපිකාවක ලෙස  සාර්ථක ගමනක්‍ යනවා.