හිස්කබලේ රත්තරන් එල්ලා ගත් රැප් තරුවක්

එක එක කාලෙට එක එක Trend  එනවා.එනවා  යනවා....ඒ Trend ඔක්කොම කරද්දී ඒක මට එපා කියලා අලුත් එකක් කරන්න දඟලන ඩයල් හිටපු ගමන් මතු වෙනවා.
මේත් එහෙම star කෙනෙක් ගැන සමාජ මාධ්‍යයේ ගිය කතාවක් .

ලෝකයේ මිනිස්සු විලාසිතා වෙනුවෙන් නොකරන දෙයක් නෑ කියන එක අපිට අලුත් දෙයක් නෙවෙයි. හැබැයි හිස්කබල ඇතුළටම කොකු අමුණලා, ඒවයින් රත්තරන් චේන් එල්ලගත්ත මිනිහෙක් ගැන අහන්න ලැබෙන එක නම් ටිකක් වෙනස්ම ජාතියේ අත්දැකීමක්.

Dan Sur කියන මෙක්සිකානු රැප් ගායකයා 2021 සැප්තැම්බර් මාසයේදී TikTok එකට දාපු වීඩියෝ වගයක් එක්ක තමයි මේ කතාව ලෝකය පුරාම එකපාරටම වෛරල්  වුණේ. 

ඔහු කියන්නේ කොණ්ඩෙ පාට කරන එක දැන් හැමෝම කරන හරිම සාමාන්‍ය දෙයක් කියලයි. ඒ හින්දා ඔහුට ඕන වුණාලු කාටවත් නැති විදියේ වෙනස්ම පෙනුමක් හදාගන්න.

ඒකට ඔහු කළා කියන්නේ තමන්ගේ හිස්කබලේ සමට යටින් Microdermal Anchors (කුඩා ලෝහමය කොකු) අමුණලා, ඒවයේ රත්තරන් චේන් එල්ලගත්ත එක.

මුලින්ම මේ වීඩියෝ දකිද්දී ඕනෑම කෙනෙක්ට හිතෙන්නේ මේක නිකම්ම ඇලවුම් පටියකින් හරි ගම් එකකින් හරි අලවගත්ත ප්ලාස්ටික් චේන් පෙළක් වෙන්න ඇති කියලා. මොකද මනුස්සයෙක්ට පුළුවන්ද ඔළුවේ හම විදගෙන එච්චර බර රත්තරන් තොගයක් එල්ලන් ඉන්න?

හැබැයි New York Post, Complex වගේම BBC එකට සම්බන්ධ ප්‍රධාන පුවත් සේවා පවා මේ සිද්ධිය ගැන වාර්තා කරන්න පටන් ගත්තාම තමයි ලෝකයම මේ දිහා සීරියස් විදිහට බලන්න ගත්තේ.

පොඩ්ඩක් හිතලා බලන්න, අපේ ඇඟේ තැනක පොඩි පියර්සින් (Piercing) එකක් කළත් සති ගාණක් යනකන් රිදෙනවා නේද?

එහෙම එකේ ඔළුවේ හමට යටින් ලෝහමය කොකු අමුණලා, ඒවයින් රත්තරන් චේන් පහළට එල්ලෙද්දී දැනෙන බර සහ වේ|ද| නාව මොනවගේ ඇද්ද?

මීට කලිනුත් Lil Uzi Vert කියන රැපර් තමන්ගේ නළල මැදට ඩොලර් මිලියන 24ක දියමන්තියක් හයි කරගෙන ලොකු ආන්දෝලනයක් ඇති කළා මතක ඇති. හැබැයි හිස්කබල පුරාම රත්තරන් චේන් එල්ලපු පළමු කෙනා ඔහු බවයි Dan Sur පැවසුවේ.

හැබැයි මේකේ අනිත් පැත්තකුත් තියෙනවා…

චර්ම රෝග පිළිබඳ විශේෂඥ වෛද්‍යවරු සහ ප්ලාස්ටික් ශල්‍යවෛද්‍යවරු මේ ගැන පරීක්ෂණ කරලා කිව්වේ හරිම බය හිතෙන කතාවක්.

අපේ හිස්කබල කියන්නේ මොළයට හරිම ආසන්නයෙන් තියෙන, රුධිර නාල සහ ස්නායු පිරුණු සං|වේ| දී තැනක්.

එතනට මේ වගේ වෛද්‍ය විද්‍යාත්මකව අනුමත නැති ලෝහමය කොකු ඇතුළු කළාම, එතැනින් බැක්ටීරියා ඇතුළු වෙලා මොළයේ පටක සහ හිස්කබල අස්ථිය දක්වාම යන ද|රු| ණු ආසාදන (Osteomyelitis) ඇතිවෙන්න තියෙන ඉඩකඩ අතිශය වැඩියි.

තව දෙයක් තමයි, රත්තරන් කියන්නේ සෑහෙන්න බර ලෝහයක්.

රත්තරන් චේන් තොගයක් ඔළුවේ කුඩා කොකු කිහිපයකින් විතරක් එල්ලාගෙන ඉද්දී, ඒ බරට ඔළුවේ සම ඇදීලා ඉරී යනවා.

සමේ රුධිර ගමනාගමනය නතර වෙලා, ඒ හරියේ පටක සම්පූර්ණයෙන්ම වියැකිලා  යන්න(Tissue Necrosis) තියෙන ඉඩකඩ ගොඩක් වැඩියි.

ඉතින් ප්‍රශ්නය තියෙන්නේ,  කිසිම සුදුසුකම් ලත් වෛද්‍යවරයෙක් මෙහෙම දෙයක් ශල්‍යාගාරයකදී මනුස්සයෙක්ට කරයිද කියන එකයි.

මෙතනදී තමයි අපිට තේරෙන්නේ සමාජ මාධ්‍ය ඇතුළේ අපි දකින හැම දෙයක්ම ඇත්ත නෙවෙයි කියන එක.

ගොඩක් දුරට මේක TikTok එකේ Followers ලා ලක්ෂ ගාණක් ක්ෂණිකව ලබාගන්න කරපු ලොකු Publicity Stunt එකක් වෙන්න පුළුවන්.

ඔළුවට හයිකරලා තිබ්බේ ඇත්තම බර රත්තරන් නෙවෙයි, රත්තරන් පාට ගාපු හරිම සැහැල්ලු (Hollow) ප්ලාස්ටික් හෝ වෙනත් බර අඩු ලෝහයක් වෙන්න පුළුවන්.

නැත්නම් සමට උඩින් අලවපු තාවකාලික ඇමිණුමක්  වෙන්නත් පුළුවන්.

සරලව කියනවා නම්, මිනිස්සු තමන්ගේ අවධානය ලබාගන්න ඕනෑම අන්තයකට යන්න ලෑස්තියි කියන එකට මේක හොද උදාහරණයක්.

එක වීඩියෝ එකකින් ලෝකය පුරාම ඉන්න මිලියන ගණන් මිනිස්සුන්ගේ අවධානය දිනාගන්න ඔහුට පුළුවන් වුණා.

හැබැයි ඒ අවධානය වෙනුවෙන් තමන්ගේ ජීවිතයම වුණත් අනතුරේ දාගන්න මිනිස්සු පෙළඹෙන එක නේද ඇත්තටම තියෙන බය හිතෙන දේ?

අද වෙනකොට ඔහුගේ සමාජ මාධ්‍ය ගිණුම්වල ඒ චේන් දැකගන්න ලැබෙන්නේ නෑ. ඒ කියන්නේ ඔහු ඒක ඉවත් කරලා.

මිනිස්සු විලාසිතා කරන එක සාමාන්‍ය දෙයක් වුණාට, තමන්ගේ ශරීරයේ ස්වාභාවික ආරක්ෂාව නැති කරගෙන කරන මේ වගේ අත්හදා බැලීම් අවසානයේ ඉතිරි කරන්නේ ලොකු තුවාලයක් විතරයි.

සමාජ මාධ්‍යවල වයිරල් වෙන හැම අමුතු දෙයක්ම ඇත්තක්ද, නැත්නම් නිකම්ම ෂෝ එකක්ද කියලා තේරුම් ගන්න තරම් අපි බුද්ධිමත් වෙන්න ඕනේ නේද?