ඉන්දියානු සිනමාවෙන් ආරාධනා දෙකක් ලැබුණා

මම කොහොමද ඇය ඔබට හඳුන්වා දෙන්නේ .ඇය රංගන  ශිල්පිනියක් ...ඒ වගේම  ලේඛිකාවක් .සමාජ ක්‍රියාකාරිනියක්.2018 අවුරුද්දේදී ලංකාවෙ පැවැත්වුණු දෙවැනි දකුණු ආසියානු තරුණ සමුළුවේ නිල සත්කාරකයා වූයේද ඇයයි.මෙවර රයිගම් ටෙලීස් සම්මාන රාත්‍රියේදී වසරේ වඩාත් ජනගත ටෙලිනාට්‍ය නිළිය ලෙස සම්මාන දිනාගත් ඇය Popular Awards  සම්මානය ඇතුළුව සම්මාන අටකින් සම්මානනීය වූ නිළියක්.

ඇය මිෂෙල් දිල්හාරා ...

සමහර දවස්වලට උදේ පාන්දර 4.00 ට පටන් ගත්තම රෑ එකොළහ දොළහ වෙනකම් පාන්දර වෙනකම් රූගත කිරීම් එකදිගටම තියෙනවා.ඒ විඩාව මහන්සිය මනසට දැනෙන පීඩනය නැති කරගන්න සම්මානයකින් ලැබෙන ශක්තිය හරි පුදුමයි......

සම්මාන ගැන අහද්දී මිෂෙල් කීවෙ එහෙම දෙයක්.....

මිෂෙල් ගැන කියන්න අලුත්ම ආරංචියක් තියෙනවා......

මේ දවස්වල එයාගෙ දෙවැනි පොත ලියන මිෂෙල් ට ඉන්දියානු සහ දමිළ සිනමාවෙන් ආරාධනා  දෙකක් ලැබිලා.මේ වෙද්දි ඒ එක චිත්‍රපටයක වැඩ පටන් අරගෙන.දෙවැනි චිත්‍රපටයෙත් ගිවිසුම් අත්සන් කරලා.සතියකින් දෙකකින් වගේ ඒ චිත්‍රපටයෙත් වැඩ පටන් ගන්න තමා ලෑස්ති වෙන්නෙ....